Das bi ig

Alter, Schöhgressi und Haafarb erspare ig euwch gäre -wär's Wunder nimmt darf mer gäe e Nachricht schribe :-)

Üfgwaxe bini mits i de Bärge im Bärner-Oberland, scho als jung bini furt. Am Afang no i anderi Sitetäler und ds lescht im Ämmital glandet. Sit circa 2017 bin am gliche Ort - ds erscht Mal i mim Läbe so lang am gliche Ort. Endlech es daheime mid emne wichtige Mensch und glich mengisch voll Hei- und Färnweh.

I de leschte 3 - 4 Jahr beschäftige i mi meh mid mer sälber, so en Art Entdeckigstür. Will i geng ha Grindweh ghäbe hani gmerkt, dass i eppis mös ändere. Nid ds lescht wäg mim Tipflischissergen hani mer sälber Druck und Stress gmacht was zu däm Sypmtom hed gfehrd. Drum wärcheni etz 80% und proberä bewusster dir ds Läbe ds ga. Das si chlini Sache we e Salbi sälber mache mit ätherische Öl, mi wyterbilde imne Thema wo mi grad gluschted, Wisse wyter gä i Form vo Workshops, es göts Böch läse, Zyt mid leebä Mensche und etz niuwschterdings e Blog schribe.

Das nid ds lescht wil e leebi Frindin mer hed gsäid mis Räisetageböch uf Find Penguins sig sehr cool und interessant gsi. I freuwä mi uf das Experimänt und hoffentli ds eint old ds ander Feedback zu mine Biträg.